Meirilutin á ikki fingið mál í skránna enn

Býráðsfundurin á Tvøroyri, sum varð útsettur 5.november, er ikki ásettur enn.

Tað einasta, sum er greitt í løtuni, er, at regluligur býráðsfundur verður 3.desember.

Men seinna viðgerðin av fíggjarætlanini fyri 2019 hevur ikki verið enn.

Fíggjarætlanirnar hjá kommununum skulu vera í Fíggjarmálaráðnum í seinasta lagi 1.desember.

Nýggi meirilutin í býráðnum á Tvøroyri hevur ikki enn fingið í skránna fyri býráðsfund, at borgarstjórin, Kristin Michelsen, ikki bæði er borgarstjóri og løgtingslimur.

Kommunuala eftirlitið hevur biðið borgarstjóran um at seta málið á skrá á næsta býráðsfundi. 

Borgarstjóri og løgtingsmaður

Tvøroyrar býráð hevur annars samtykt, at Kristin Michelsen bæði kann vera borgarstjóri og løgtingslimur.

Men eftir, at minnilutin gjørdist meirilutin, hevur hann biðið um at fingið málið til nýggja viðgerð, men tað hevur meirilutin higartil ikki fingið.

Og óvist er, um tey fáa tað.

Kristin Michelsen sigur, at hann ætlar sær framvegis at vera borgarstjóri og løgtingslimur.

Og hann fæst ikki at siga, um málið yvirhøvur verður sett á skrá, ella nær, tað verður.