Semingsuppskotið er vrakað

Ljósmøðrafelagið hevur vrakað semingsuppskotið, sum varð lagt fyri partarnar, og sum teir skuldu taka støðu til klokkan hálvgun eitt.

Fíggjarmálaráðið góðtók tað, sum semingsmenninir løgdu á borðið.

Verkfallið stendur sostatt við og verður hert klokkan 15 í dag, tí tá verða eingi undantøk givin Føðideildini á Landssjúkrahúsinum.

Tvær jarðamøður eru komnar úr Danmark frá eini vikarskrivstovu, váttar sjúkrahússtjórin, og tær arbeiða tað, tær orka.

Yvirlæknarnir á Landssjúkrahúsinum eru á fundi við sjúkrahúsleiðsluna um støðuna.