Veðurlagsbroytingar verða USA dýrar

Ótálmaðar veðurlagsbroytingar fara at kosta USA hundraðtals milliardir dollarar og fara at ávirka mannaheilsu og lívsgóðsku, verður sagt í eini amerikanskari stjórnarfrágreiðing.

Framtíðarvandar frá veðurlagsbroytingum eru treytaðir av avgerðum, tiknar nú á døgum, verður sagt í frágreiðingini.

Alsamt størri avbjóðing

Veðurlagsbroytingarnar gerst ein alsamt størri avbjóðing fyri mannaheilsu og trygd, lívsgóðsku og búskaparvøkstur.

Frágreiðingin - ella ávaringin - frá amerikansku stjórnini er í stríð við tað, Donald Trump forseti ger, tá hann og umsiting hansara arbeiða fyri at lata stongd amerikansk kolanám upp aftur.