Føroyska sakarmálið skorið til eftir dóm í Danmark

bannari
26.11.2018 - 07:53
AktueltPengar
Føroyska sakarmálið skorið til eftir dóm í Danmark
Ov seint at stevna eftir nógvum milliónum
Eik Bank Danmark fer nú í Hægstarætt
 

Dómurin hjá Eystara landsrætti í sakarmálinum millum Fíggjarligt støðufesti og teir, sum stóðu á odda fyri Eik Bank Danmark, fær ávirkan á sakarmálið um Eik í Føroyum.

Fíggjarligt støðufesti sigur í tíðindaskrivi, at føroyska málið verður skorið til, men ikki, hvussu tað verður gjørt.

Ein møguleiki er, at stevningarnar móti grannskoðaranum, Hans Jóhan Laksá, og grannskoðaravirkinum P/f Nota, verða tiknar aftur.

Hans Jóhan Laksá og Nota vórðu frídømd í Eystari landsrætti. Og tann dómin hevur Fíggjarligt støðufesti ikki skotið inn fyri Hægstarætt.

Men fyritøkan Januar sigur í einum tíðindaskrivi, at Fíggjarligt støðufesti hevur slept stevningunum móti Hans Jóhan Laksá og Nota, og tað hevur Hans Laksá fingið at vita í skrivi frá Fíggjarligum støðufetsi, sigur Januar

Annars er Fíggjarligt støðufesti farið í Hægstarætt við teimum seks Eikmonnunum, eisini teimum báðum, sum vórðu frídømdir í Eystara landsrætti 26.oktober. 

Sama krav

Sakarkravið er framvegis tað sama, 250 mió. kr.

Teir fýra, sum vórðu dømdir í Eystari landsrætti, skutu longu 7.november dómin inn fyri Hægstarætt.

Dómurin er 42,6 mió. kr. í endurgjaldi, tá rentan er tald við. 

Men Fíggjarligt støðufesti er dømt at rinda teimum stevndu næstan 40 mió. kr. í sakarkostnaði.

Sambært Ritzau hevði Fíggjarligt støðufesti kunnað fingið nógvar milliónir afturat í dóminum hjá Landsrættinum. 

Men Fíggjaligt støðufesti var av seint á sjóvarfallinum. Stevningin kom 27 dagar ov seint.

Ov seint

Eystari landsrættur sigur, at stjórarnir, Brian Toft og Jesper Clausen, gjørdu ikki skyldu sína.

Talan er um 39 milliónir í einum føri, og 81 milliónir í staðin fyri 27 í einum øðrum føri. Men hvørgin stjórin er dømdur fyri hetta. Fyrningarfreistin er trý ár.

Seinasta freist at stevna í hesum førunum var 3.desember 2011. Stevningin er skrásett í rættarskipanini 30.desember 2011, 27 dagar ov seint.

Er kopiera
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968