Fáa loyvi at hava opið um kvøldið og sunnudagar

Nú er ætlanin, at allir handlar, sum selja garandisvørur, uttan mun til støddina, kunnu hava opið til klokkan 11.00 um kvøldið og sunnudagar.

Ein lógarbroyting um hetta er á veg.

Í galdandi lóg er markið 250 fermetrar. Handlar, sum eru størri enn 250 fermetrar, hava ikki loyvi til at hava opið um kvøldið og sunnudagar.

Hetta markið ætlar Vinnumálaráðið at strika, so allir handlar, sum selja gerandisvørur, kunnu hava opið um kvøldið og sunnudagar.

Og nú verður ásett við lóg, at handlar kunnu hava opið hvønn sunnudag millum kl.14.00 og 23.00 í desember.

Eisini sunnudagar

Sambært lógini er bara loyvt at hava opið seinasta sunnudag fyri jól.

Men siðvenjan er, at opið er hvønn sunnudag í desember. Siðvenjan verður nú ásett við lóg, sigur Vinnumálaráðið.  

Og navnið á lógini, sum er afturlatingarlógin, er eisini siðvenja, sum nú verður løgskipað.

Vinnumálaráðið hevur sent broytingarnar til hoyringar. Freistin er til 18.desember.