Koyring í kirkju

Koyringin verður víðkað soleiðis, at tey, sum hava brúk fyri serflutningsbussi, eisini kunnu bíleggja sær fart til at fara í kirkju sunnumorgun.

Hetta er serliga ætlað teimum, ið ikki eru so løtt á fótum, ella tá veðrið ikki er til vildar. 

Christianskirkjan hevur gjørt avtalu við Klaksvíkar kommuna um, at kirkjan rindar rokningin fyri serflutning til og frá gudstænastu sunnu- og halgidagar.
Neyðugt er at bíleggja fart hjá kommununi í seinasta lagi fríggjadag, skrivar heimasíðan hjá fólkakirkjuni.