Glasir: Øll undirvísing avlýst

Skúlagongdin á Glasi er avlýst í dag.

Grundin er, at hitaskipanin á skúlanum virkar ikki, sigur Bogi Bech Jensen, rektari.

- Hitaskipanin var uppi at koyra aftur í gjár, men so datt stýringin út í nátt, og bygningurin er ikki blivin heitur aftur, sigur Bogi Bech Jensen, sum tíðliga í morgun tók avgerð um at senda næmingar og lærarar heim. 

Tað er ikki í øllum stovum, at kuldin er ein trupulleiki, men heldur enn at avlýsa ávísar tímar í ávísum hølum, valdi rektarin at binda um heilan fingur og avlýsa alla skúlagongd. 

Sambært Boga Bech Jensen riggar hitaskipanin aftur, og tí verður skúlagongd aftur í morgin.