Skattaprosentið á Tvøroyri lækkar

05.12.2018 - 09:11
AktueltSamfelag
Skattaprosentið á Tvøroyri lækkar
Mánakvøldið samtykti Tvøroyrar Býráð fíggjarætlanina fyri 2019. 
 

Í gjárkvøldið samtykti Tvøroyrar Býráð fíggjarætlanina fyri 2019. Tað hevur millum annað við sær, at skattaprosentið á Tvøroyri lækkar við einum prosentstigi næsta ár - úr 21,9 niður í 20,9 prosent. Barnafrádrátturin verður óbroyttur, 7000 krónur fyri hvørt barnið.

Samlaðu inntøkurnar hjá kommununi eru 76,7 milliónir krónur, tá er afturberingin til eldraøkið íroknað.

Sambært fíggjarætlanini kostar tað 69,5 milliónir krónur at reka Tvøroyrar Kommunu næsta ár.

Tvøroyrar Býráð er samt um at lækka skattin niður í 20,9 prosent næsta ár, og semja er eisini um barnafrádráttin og rakstrarútreiðslurnar. 

Men býráðið er tó ikki samt um íløgurnar. 

Borgarstjórin og hini í minnilutanum mæla til at gera íløgur fyri 26,6 milliónir krónur næsta ár, men tað uppskotið fall.

Meirilutin í Tvøroyrar Býráð mælir til at gera íløgur fyri 31,4 milliónir krónur næsta ár, og tað uppskotið varð samtykt á býráðsfundinum í gjárkvøldi.

 
Nýggjastu sendingar í ÚV
Týsdag 17. september
Nón - TemaTýsdagur 17.09.2019
98843
Týsdag 17. september
B36 tók risafet móti FM
98827
Mánadag 16. september
Norðurljóð 16.september 2019
98795
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618