Norðmenn eru fyri fýrverksbanni

Meira enn 60 prosent av norðmonnum vilja hava bann sett fyri privatari nýtslu av fýrverki.

Tað kemur fram í eini spurnarkanning, sum norska verkfrøðinga- og tøknifelagið, NITO hevur fingið gjørt, sambært NRK.

Stóra talið av norðmonnum vil hava bann, um so er, at kommunan stendur fyri at skjóta fýrverk nýggjársaftan.

Kjetil Lein, varaformaður í NITO sigur við NRK, at stór andsøgn er millum strongu krøvini til tey, sum selja fýrverk, og so tey, sum sleppa at skjóta fýrverkið. Mangan meðan tey eru sera drukkin.

- Vit spæla fyrilitaleyst við spreingievni hendan eina dagin. Og nýggjársdag, tá vit síggja eygnaskaðar og álvarsligar persónsskaðar, so semjast vit um, at hetta bara er ov býttisligt, sigur hann við NRK.