Fíggjarkreppa fær Trump at útseta røðu

Árliga røðan um støðuna í USA fer at verða hildin, tá tann aktuella fríggjarkreppan í USA er av. Tað skrivaði Trump í einum boðum á sosiala miðlinum, Twitter, í gjárkvøldið.

Røðan skuldi verða týsdagin í næstu viku - 29. januar - í Umboðsmannatinginum, men forkvinnan í lóggevandi tinginum, Nancy Pelosi steðgaði hesum.

Í einum opnum brævi skrivar hon, at Demokratarnir, ið hava meiriluta í Umboðsmannatinginum, ikki fara at samtykkja neyðugu, formligu loyvini, skrivar tíðindastovan Ritzau.

Greinin heldur fram niðanfyri

As the Shutdown was going on, Nancy Pelosi asked me to give the State of the Union Address. I agreed. She then changed her mind because of the Shutdown, suggesting a later date. This is her prerogative - I will do the Address when the Shutdown is over. I am not looking for an....

— Donald J. Trump (@realDonaldTrump) January 24, 2019

Partur av ríkisfyrisitingini í USA er stongd 33. dagin á rað, tí teir báðir stóru flokkarnir, ið hava meirilutan í hvør sínari tingdeild, ikki kunnu semjast um fíggjarætlanina fyri 2019.

Forkvinnan í lóggevandi tinginum, Nancy Pelosi, sigur, at Trump kann halda røðuna tá ríkisfyrisitingin í landinum aftur er virkin, sum hon plagar.

Senatið fer í dag væntandi at atkvøða um eitt nýtt fíggjarlógaruppskot. Hóast uppskotið vinnur frama, verður tað ikki mett at vera sannlíkt, at fíggjarlógaruppskotið sleppur ígjøgnum til Umboðsmannatingið.