Meira avreitt av toski

Avreiðingarnar í fjør vóru tilsamans góð 74 túsund tons. Tað eru túsund tons meira enn í 2017. 

Nøgdin av toski og hýsi vaks við umleið 50 prosentum, meðan minking var av øðrum fiskasløgum, serliga upsa. 

Í virði vóru avreiðingarnar 85 mió. kr., - tað eru 10 prosent størri enn fyrra árið. Tað skrivar Hagstovan á heimasíðuni.

Nógv fleiri tons av toski vórðu avreidd í 2018 - smá 17 túsund tons, sum er um helvtin meira enn í 2017. 

Eisini virðið á toskinum vaks nógv - úr 217 upp í 331 milliónir - eitt meirvirðið á 114 milliónir, sum er 52 prosent vøkstur.