USA herðir revsitiløtk

Hóast harða politiska mótstøðu, eisini í republikanska flokkinum, hevur stjórnin hjá Donald Trump, forseta, gjørt av at herða tiltøkini móti trimum russiskum feløgum.

Øll feløgini hava samband við ríkmannin, Oleg Deripaska, sum m.a. verður lagdur undir at hava lagt seg út í amerikanska forsetavalið í 2016.

Stjórnin hevur verið undir trýsti frá vinnulívinum um at herða tiltøkini. 

Eitt av russisku feløgunum, sum er rakt, er heimsins næststørsti útflytari av aluminium. 

Amerikansku tiltøkini hava havt við sær, at prísurin á aluminium er hækkaður munandi.

Oleg Deripaska verður nevndur fleiri ferðir í kanningini hjá serliga ákæranum, Robert Mueller, sum kannar russisku uppíleggingina í amerikanska forsetavalið í 2016.

Deripaska hevði samband við Paul Manafort, sum stóð á odda fyri valstríðnum hjá Trump, og hann hevur viðgingið seg sekan í at hava verið upp í eini ráðagerð móti USA.