Seldi svartkjaft fyri góðar 13 milliónir krónur

Seldi svartkjaft fyri góðar 13 milliónir krónur
Vørn seldi rættindi at fiska svartkjaft fyri 13,1 mió. kr. á afturlatnari uppboðssølu í gjár
Vørn hevði fyrstu afturlatnu uppboðssøluna í gjár
 
22.03.2019 - 13:16

Eitt árs rættindi, sum vóru 19.552 tons, vórðu seld fyri sjey milliónir 534.180 krónur. Trý ára rættindi, 4.092 tons, vórðu seld fyri eina millión og 882.320 krónur.

Og átta ára rættindi, 8.193 tons, vórðu seld fyri tríggjar milliónir og 686.850 krónur.

Tey, sum høvdu vinnandi boðið, skulu rinda prísin, tey bjóðaðu fyri eitt árs rættindi. Í hinum báðum førunum setti lægsta vinnandi boð prísin, sum øll vinnandi boð skulu rinda.

Seks keyparar

Í gjár keyptu Varðin Pelagic, Varðin, Næraberg, Jókin, Thor Fisheries og Framherji rættindini á fiska svartkjaftin. Lægsti prísur var 30 oyru fyri kilo og tann hægsti var 51 oyru.

Fiskimálaráðíð hevði sett minstaprísin at vera tíggju oyru. P/f Næraberg keypti mest og í øllum trimum bólkum.

Kunngerðin um uppboðssølu sigur um trý ára og átta ára rættindi, at har verður gjaldið fyri árini eftir 2019 ásett sum goldna upphæddin í 2019 í krónum fyri kilo, faldað við lutfallinum millum miðal avreiðingarprísin í 2019 og miðal avreiðingarprísin í árinum, gjaldast skal fyri, fyri hvørt fiskaslag sær.

Næraberg, Varðin og Framherji keyptu trý ára og átta ára rættindi fyri ávikavist 46 og 45 oyru.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585