Depil fyri gomul fólk verður bygdur í Hoyvík

Byggifeløgini MT Højgaard og Lofti arkitektar skulu gera umlættingar- og rehabiliteringardepilin í Rólantsgøtu í Hoyvík til eldri fólk í kommununi. 

Byggiarbeiðið varð boðið út í heildararbeiðstøku millum tríggjar arbeiðstakarar. 

Í deplinum verða 28 kømur. Kommunan roknar við, at okkurt um 150 fólk fara at búgva í deplinum um árið.

Tá depilin er liðugur, verða umlættingar- og rehabiliteringarpláss á Boðanesheiminum og á Lágargarði flutt í nýggja bygningin. 

Harvið verða níggju pláss tøk til føst búpláss, sjey á Boðanesheiminum og tvey á Lágargarði.

Væntandi verður depilin liðugur á heysti 2020.