Fakfelagið bjóðaði aðalstjórunum advokat

Tænastumannafelag landsins er ikki farið upp í málið hjá aðalastjórunum í Mentamálaráðnum og Samferðslumálaráðnum. 

Aðalstjórarnir, Poul Geert Hansen og Rúni Joensen, eru í andgletti í sambandi við málið um byggingina í Marknagili.

Men felagið bjóðaði teimum løgfrøðing sum hjásita, tá teir vóru á fundi um málið við Løgmansskrivstovuna.

Formaðurin í Tænastumannafelagnum, Meinhard Gaardlykke, vil ikki gera viðmerking um málið annars, tí talan er um persónsmál.

Aðalstjórarnir hava fingið niðurstøðuna hjá Landsgrannskoðanini um skúladepilin í Marknagili til ummælis frá løgmanni.

Aksel V. Johannesen, løgmaður, sigur, at hann ætlar at avgreiða hetta málið, meðan hann er løgmaður.