- Tíðindi, mentan og ítróttur
Fólk velja lokalt
Fólk velja lokalt
Klaksvíkingar velja klaksvíkingar og havnafólk velja havnafólk - eisini til fólkatingsval. Vit hava kavað niður í tølini frá seinasta fólkatingsvali
Klaksvíkingar eru raskari at velja síni egnu enn havnafólk. Tað vísa lokalu tølini frá seinasta fólkatingsvali
05.06.2019 - 16:32
Klaksvíkingar fáa mangan skotið í skógvarnar, at teir eru meira heimkærir ella lokaaaalir enn fólk aðrastaðni í landinum. Men passar tað? Ja, í øllum førum tá tað snýr seg um politikk og um hugt verður at, hvussu fólk atkvøddu á seinasta fólkatingsvali.
Um hugt verður eftir atkvøðubýtinum í Klaksvík, so vóru klaksvíkingar ovast á listanum hjá øllum flokkum við undantak av Framsókn, ið ongan klaksvíking hevði á listanum.
Sí atkvøðubýtið í Klaksvík í 2015
Tað er vert at leggja til merkis, at Eyðgunn Samuelsen fekk fleiri atkvøður í Klaksvík, enn formaður floksins Aksel V. Johannesen. Hann er uppvaksin í Klaksvík, men hevur seinastu árini búð í Havn. Um tað er orsøkin til at fleiri klaksvíkingar valdu Eyðgunn, kunnu vit bert gita um.
Sí atkvøðubýtið í Havn í 2015
Klaksvíkingar eru ikki einsamallir um at atkvøða fyri sínum egnu. Í Havn vóru havnafólk ovast á listanum hjá Fólkaflokkinum, Javnaðarflokkinum, Framsókn og hjá Tjóðveldi og Uttanflokkalistanum (um hoyvíkingar telja sum havnafólk).
Tó eru havnafólk ikki lokalari enn, at borgarstjórin í Klaksvík var toppskorari hjá Sjálvstýri í Havn og Edmund Joensen toppskorari hjá Sambandsflokkinum.
Er kopiera
Nýggjastu sendingar í ÚV
Mánadag 24. august
RagnarRokk:Sebastian Levermann um Angus McSix and the All-Seeing Astral Eye
212033
Nýggjastu sendingar í SV
