Drúgvar royndir í nýggjum partafelagi

Tað eru menn, sum hava royndir í flutningsvinnuni, ið hava stovnað felagið Landleiðina, sum hevur fingið ein part av Bygdaleiðum.

Í síðstu viku varð smápartafelagið Landleiðin stovnað.

Smápartafelagið HZ Bussar í Streymnesi, Eyðbjørn Johansen í Havn og Jón Thomasen í Kvívík stovnaðu felagið.

Tað hevur heimstað á Hjalla í Hoyvík.

Heðin Zachariasen í Streymnesi er nevndarformaður í Landleiðini og hinir í nevndini eru Eybjørn Johansen og Rodmundur Andreasen í Vestmanna.

Jón Thomasen er stjóri í felagnum.

Tey trý feløgini, sum í síðstu viku fingu sjey ára sáttmálar um Bygdaleiðir, skulu tó ikki koyra í Sandoynni og Suðuroynni.

Koyringin har verður boðin útaftur.