Dømdur lívlangt fongsul pluss 419 ár

16.07.2019 - 16:16
AktueltÚtheimurin
Dømdur lívlangt fongsul pluss 419 ár
Høgravíðgongdi maðurin, sum framdi bilálopið í Charlottesville í 2017, er dømdur lívlanga fongsulsrevsing pluss 419 ár
 

Ein 32 ára gomul kvinna varð dripin í álopinum. Í juni varð 22 ára gamli James Alex Fields í býarrættinum dømdur sekur fyri haturslógarbrot.

Í gjár fall so dómurin í landspartarættinum í Virginia, har tann ungi maðurin varð dømdur fyri dráp og fólkaskaða.

Óávirkaður

Fields hevur viðgingið, at hann við vilja koyrdi bilin inn í eina mannamúgvu. Fólkini gingu mótmælisgongu móti høgra-víðgongdum í býnum Charlottesville í Virginia 12. august 2017.

Í rættinum greiddu vitni frá álopinum, sum hevur givið teimum sálarlig og likamlig mein, eitt nú posttraumatiskt stress, angist og tunglyndi. Men sambært NTB-tíðindastovuni, vísti Fields eingi tekin um, at hann angrar sína gerð.

Dómarin segði í úrskurðinum, at Fields hevur leingi havt sálarligar trupulleikar, men dómarin legði dent á, at Fields hevur verið í viðgerð fyri hetta, og at sálarliga støða hansara er eingin umbering fyri tað sum hann hevur gjørt.

Var bangin

Dómarin vísti eisini á, at eingi prógv eru fyri, at James Alex Fields varð hóttur ella álopin, tá hann koyrdi bilin inn í mannamúgvuna.

Undir rættargongdini segði verjin hjá honum, at Fields var bangin, tí hann hevur sæð ógvusligar samanbrestir millum hvítar nationalistar og antirasistar.

Verjin legði eisini dent á mentalu heilsuna hjá honum og traumatisk barnaár.

 
Nýggjastu sendingar í ÚV
Týsdag 18. februar
Breddin
104990
Týsdag 18. februar
Nón 18. februar 2020
104988
Týsdag 18. februar
Dagsins yrking - Hinumegin vindeygað
104238
Týsdag 18. februar
Góðan morgun Føroyar 18. februar
104969
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891