Ikki á nøkrum lista enn

Hann fekk 302 atkvøður á listanum hjá Javnaðarflokkinum í 2015. Hann bleiv nummar sjey á tí listanum.

Men Javnaðarflokkurin vil ikki hava Kristin Michelsen á listan hesaferð. Hildið hevur verið, at Kristin Michelsen fór at stilla upp fyri Sambandsflokkin.

Men listin hjá Sambandsflokkinum er liðugur. Og har er Kristin Michelsen ikki. Freistin at stilla upp er tó ikki farin enn. Hon er til leygardagin klokkan 18:00.

Sjálvur hevur Kristin Michelsen onga viðmerking í dag. Hann vil heldur ikki siga, um hann gevst í landspolitikki.