Fínteljingin eftir løgtingsvalið byrjað

Klokkan níggju byrjaði fínteljingin eftir løgtingsvalið leygardagin. Teljast skulu 33.779 atkvøður, og støða skal eisini takast til 85 blankar atkvøður og 65 ógildar atkvøður.

Fínteljingin er spennandi, tí einans atkvøða skilir Poul Michelsen, sum varð valdur fyri Framsókn, og Ruth Vang, sum ikki varð vald.

Og tríggjar atkvøður eru á muni millum Bjarna Hammer, sum varð valdur fyri Javnaðarflokkin, og Eyðgunn Samulsen, sum ikki varð vald.

18 fólk, sum Innlendismálaráðið hevur biðið, fíntelja. Fínteljingin verður á Hotel Hafnia. Og fínteljing eftir eitt val tekur tíð. Í 2015 var fínteljingin liðug klokkan seks um kvøldið. Hon vardi tá í níggju tímar.