M/S Prince siglir færri túrar um Suðuroyarfjørð

Ferðaætlanin er í tráð við altjóða sáttmálar fyri manningar við handilsskipum, og er nakað øðrvísi enn ferðaætlanin hjá Smyrli, skriva Strandfaraskip Landsins.

Prince siglir bara tveir túrar um dagin um Suðuroyarfjørð, umframt at Prince liggur á Tvøroyri hvørja nátt. Eisini er longri millum túrarnar, enn vanligt, m.a. tí Prince er væl størri skip enn Smyril, og kann tí brúka meira tíð til at leggja at og fara frá bryggju.

Ferðaætlanin verður eftirmett, tá skipið hevur verið í sigling í eina viku, skrivar Strandferðslan. Ferðaætlanin fyri siglingina hjá Prince millum Havnina og Suðuroy er klár og sæst á heimasíðuni hjá Strandfaraskipum Landsins.