Heðin vil vera bæði løgtingsmaður og borgarstjóri

Heðin Zachariasen, sum kom í løgtingið í gjár, er borgarstjóri í Sunda kommunu. Og hann ætlar sær at halda fram í báðum sessum.

Heðin Zachariasen hevur biðið býráðið í Sunda kommunu um at sleppa at vera løgtingsmaður eisini.Næsti býráðsfundur í Sunda kommunu verður 30. september.

Gevst í kommunalpolitikki

Heðin Zachariasen sigur, at hann stillar ikki upp á kommunuvalinum næsta ár. Hann hevur tí slakar 15 og ein hálvan mánað eftir sum borgarstjóri.

Heðin Zachariasen sigur, at hann hevur roynt at verið bæði borgarstjóri og løgtingsmaður, og tað heldur hann sjálvur bar væl til.

Heðin Zachariasen hevur verið borgarstjóri í Sunda kommuna síðani hon varð stovnað í 2005. Undantikið er tó eitt valskeið, tá hann ikki stillaði upp.