Teistin er seinkaður

Teistin fer ikki aftur í sigling aftur fyrr enn mánadagin.

Teistin hevur verið á sleipistøð í Havn seinastu vikurnar, og ætlanin var, at hann skuldi fara aftur í sigling í dag.

Men Strandferðslan sigur, at arbeiðið er seinkað, og Teistin fer tí ikki aftur í sigling fyrr enn mánadagin.

Fyrsti túrur úr Skopun verður klokkan trý korter til sjey mánamorgunin.

Ternan røkir farleiðina um Skopunarfjørð fyri Teistan, og Jósup røkir farleiðina um Nólsoyarfjørð fyri Ternuna.