- Tíðindi, mentan og ítróttur
Funnu 5,4 tons av rúsevnum í kavbáti
Funnu 5,4 tons av rúsevnum í kavbáti
Amerikanska sjóverjan hevur lagt hald á 5,4 tons av kokaini. Rúsevnini eru funnin umborð á einum kavbáti, og fýra persónar eru handtiknir
![](https://kvf.fo/sites/default/files/styles/grein-ovasta-mynd/public/rusevni_1.png?itok=gosCISMd)
26.09.2019 - 06:41
Sjóverjan steðgaði kavbátinum í einum eftirlitsátaki, og hálvt tons av kokaini varð tikið úr kavbátinum á sjónum. Men kavbáturin var illa gjørdur, og tí var vandamikð at taka restina av rúsevnunum, sum sukku á havsins botn saman við kavbátinum.
5,4 tons av rúsevnum høvdu kostað 1,1 miljard krónur á gøtuni.
Hendingin fór fram fyrr í mánaðinum, og amerikanska sjóverjan hevur almannakunngjørt sjónbandaupptøku av hendingini.
Kavbáturin var 12 metrar langur, og sjóverjan rópar teir narko-kavbátar. Hesir bátar eru gjørdir serliga til at smugla rúsevni, og suður-amerikonsk kartell brúka teir nógv. Kavbátarnir kunnu ikki stinga seg í kav, sum vanligir kavbátar, - men eru bygdir til at fjala skrokkin í sjónum.
Nýggjastu sendingar í ÚV
Nýggjastu sendingar í SV