Javnstøðan er í topp í flestu Norðurlondum

24.12.2019 - 11:04
AktueltSamfelag
Javnstøðan er í topp í flestu Norðurlondum
Tað gongur tó aftur á hond við javnstøðuni í Danmark samanborið við onnur lond
 

Sambært ársfrágreiðingini um javnstøðu frá World Economic Forum - WEF, fer Danmark av 13. plássi í fjør niður á 14. pláss í ár. Hini Norðurlondini, - Ísland, Noreg, Svøríki og Finnland, liggja ávikavíst nummar eitt, tvey, trý og fýra. Nummar fimm er Nigaragua, síðani kemur New Zealand, Írland, Spania, Rwanda, og Týskland er á 10-unda plássi.

WEF, sum heldur til í Geneve í Sveis, ger hvørt ár yvirlit yvir javnstøðuna í 153 londum út frá menningini á fýra økjum - útbúgving, heilsu, búskapi og politikki, skrivar AFP-tíðindastovan.

Eisini í Bretlandi er javnstøðan í afturgongd. Bretland fer av 15.-plássi til 21.-pláss, skrivar The Guardian. 

Men samlagt fyri øll 153 lond, so er javnstøðan í framgongd, og við verðandi ferð fer tað at taka 99,5 ár, áðrenn allir menn og allar kvinnur hava javnstøðu. Og tað er framgongd, tí í fjør varð mett, at alheims javnstøða ikki fór at verða fyrr enn um 108 ár.

Framgongd er á nøkrum økjum, men ikki øllum. T.d. eru fleiri kvinnur nú við landins leiðslu í fleiri londum samanborið við í fjør, skrivar BBC.

Men øvut, so er búskaparligi ójavnin millum menn og kvinnur vaksin síðani í fjør, stendur í niðurstøðuni í ársfrágreiðingini. Orsøkin tiltað er, sambært WEF, at kvinnur eru undir-umboðaðar í so at siga øllum skjóttvaksandi ídnaðum.


 

Er kopiera
Nýggjastu sendingar í ÚV
Sunnudag 1. oktober
Bolero - 1. oktober 2023
163605
Sunnudag 1. oktober
Meg minnist - Petur Simonsen (3:5)
162938
Sunnudag 1. oktober
Guðstænasta úr Argja kirkju
163586
Sunnudag 1. oktober
Credo: Guð hevur altíð verið trúfastur
163546
Sunnudag 1. oktober
Møti: Møti á Zarepta í Vatnsoyrum.
163524
Nýggjastu sendingar í SV
Sunnudag 1. oktober
Andakt við Tóru við Keldu
163608
Sunnudag 1. oktober
Guðstænasta úr Argja kirkju
163584
Fríggjadag 29. september
Veðrið
163552
Týsdag 26. september
Veðrið
163385
Mánadag 25. september
Møti úr Vitninum í Hvalba
163262