Nýggjur forseti í Kroatia

Fyrrverandi forsætisráðharrin í Kroatia, Zoran Milanovic, vann forsetavalið í landinum í gjár. Hann bjóðaði sitandi forsetanum, Klindu Grabar, av.

Úrslitið var, at javnaðarsinnaði Milanovic, vann valið ímóti konservativu, Kolindu Grabar.

Hann fekk 53 prosent av atkvøðunum, og sitandi forsetin fekk 47 prosent.

Kolinda Grabar varð vald til forseta í 2015, og hon var fyrsti kvinnuligi forsetin í landinum. Hon noyðist nú at leggja frá sær.

Zoran Milanovic var forsætisráðharri í Kroatia frá 2011 til  januar 2016.

Kroatia tók við formansskapinum í ES 1. januar, og tað er samstundis fyrstu ferð, at landið stendur á odda fyri ES, eftir at landið fekk limaskap í samveldinum í 2013.

Tað hevur eisini vð sær, at Kroatia næstu seks mánaðirnar skal fylgja við, at Bretland fer úr ES, og hvørja avtalu landið fær við sær, skrivar Ritzau.