Mykines og ferðavinna: Útlendingar skulu gjalda

07.01.2020 - 15:54
AktueltSamfelag
Mykines og ferðavinna: Útlendingar skulu gjalda
Føroyingar sleppa nú aftur at ganga ókeypis í haganum í Mykinesi.
 

Nú verður dýrari at fara út um bøgarðarnar í Mykinesi, men tað er bara galdandi fyri útlendsk ferðafólk. 

Føroyingar sleppa nú aftur at ganga ókeypis í høgunum í Mykinesi.

Tað boðar hagastýrisformaðurin í  Mykinesi frá í dag. 

Tað eru fýra hagapartar í Mykinesi, sum saman hava gjørt av, at útlendsk ferðafólk skulu gjalda fyri at sleppa í hagan.

 Hetta verður gjørt fyri at verja hagan og fuglin.

Í fjør var eitt gjald upp á 100 krónur lagt á øll, sum fóru út um bøgarðin í Mykinesi.

Hetta gjaldið er nú hækkað upp í 250 krónur. Men bara útlendingar og skipað vinnulig ferðaløg skulu gjalda.

Føroyingar og børn sleppa ókeypis.

Sami leistur sum við Trælanípuni

Stýrisformaðurin í hagapørtunum í Mykinesi greiðir frá, at teir brúka sama leist sum eigararnir í hagapørtunum við Trælanípuna: at føroyingar sleppa ókeypis, men ferðafólk skulu gjalda.

Henda skipanin krevur størri umsiting, men eigararnir av hagapørtunum halda, at tað er týdningarmikið, at føroyingar sleppa at ganga ókeypis í egnum landi.

Hinvegin halda teir,  at tað er rímiligt at ferðavinnan skal gjalda fyri slit á hagan. 

Hagastýrisformaðurin í Mykinesi sigur, at bøndurnir ikki fáa pengarnar frá ferðafólkunum.

Teir verða settir í ein grunn, sum hevur til endamáls at bøta um viðurskiftini í Mykinesi.

Eitt nú verða pengarnir nýttir til at gera gøtur í høgunum.

Teir fýra hagapartarnir hava í felag stuðla keypi av samskiftisútgerð og altartalvu til kirkjuna í Mykinesi, sum kendi listamálarin, Mikines, hevur málað.

Meira verður at frætta í útvarpstíðindunum klokkan 18.


 

Er kopiera
Nýggjastu sendingar í ÚV
Týsdag 28. mars
Morgunlestur týsdagur 28. mars 2023
154416
Mánadag 27. mars
Norðurljóð 27. mars 2023
154243
Mánadag 27. mars
Begynna og byrja eru bæði føroysk
154728
Mánadag 27. mars
Góðan morgun Føroyar 27.03.2023
154725
Nýggjastu sendingar í SV
Sunnudag 26. mars
Guðstænasta úr Sjóvar kirkju
154691
Sunnudag 26. mars
Andakt við Árna Joensen
154684
Fríggjadag 24. mars
Veðrið 24. Mars
154636
Mikudag 22. mars
Úr savninum: Flúgviplássið
154470