15 vilja vera stjóri á Tjóðpallinum

15 vilja vera stjóri á Tjóðpallinum
11 menn og fýra kvinnur hava søkt starvið
 
08.01.2020 - 08:50

15 fólk vilja vera stjóri á Tjóðpalli Føroya.

Freistin at søkja starvið var á middegi mánadagin.

11 menn og fýra kvinnur hava søkt starvið, upplýsir forkvinnan í Leiklistaráðnum, Ingibjørg Berg.

Lýst er eisini í útlendskum miðlum eftir stjóra til Tjóðpallin, og umframt úr Føroyum eru umsóknir úr Danmark, Íslandi og Finnlandi.

Fimm ár

Starvið er áramálssett í fimm ár, og lønt sambært 37. lønarflokki í sáttmála millum Tænastumannafelagið og Fíggjarmálaráðið, tó uttan at vera tænastumannastarv. 

Árliga játtanin hjá Tjóðpallinum er tilsamans seks milliónir kr.

Almenna rakstrarjáttanin er góðar fimm milliónir, og eginfíggingin er 848.000 kr.

Á stovninum starvast, umframt stjóran, eitt skrivstovufólk og  10-12 verkætlanarsett starvsfólk í styttri ella longri tíðarskeið. 

Tjóðpallurin setur í miðal fýra leikverk upp um árið. 

1. februar

Leiklistaráðið fer at hava fund í vikuni, og tá verður gjørt av, hvussu setanartilgongdin verður.

Í lýsingini stendur, at starvið verður sett frá 1. februar, og miðað verður eftir tí, sigur forkvinnan í Leiklistaráðnum, Ingibjørg Berg.

Í løtuni er Jenny Petersen stjóri á Tjóðpallinum, og tað hevur hon verið í 10 ár.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652