Russiska stjórnin lagt frá sær

Russiska stjórnin hjá Dmitrij Medvedev, forsætisráðharra, hevur lagt frá sær, skrivar tíðindastovan Tass.

Vladimir Putin, forseti, upplýsti á tíðindafundi í dag, at Dmitrij Medvedev í staðin verður limur í russiska trygdarráðnum.

Tíðindastovan Interfax skrivar, at Putin hevur heitt á fráfarandi stjórnina um at verða sitandi, til nýggj stjórn er skipað.

Tíðindini um, at stjórnin leggur frá sær, bórust stutt eftir, at Putin hevði hildið sína árligu røðu fyri russiska tinginum.

Broyta grundlógina

Forsetin boðaði frá, at ætlanin er at broyta russisku grundlógina.

Dmitrij Medvedev sigur, at stjórnin leggur frá sær, so forsetin kann fremja ætlanir sínar í verki.

Broytingin í grundlógini hevur m.a. við sær, at Putin kann halda fram sum forseti í Russlandi, eisini eftir at forsetaskeiðið er úti í 2024

Eftir galdandi reglum hevði ikki borið til hjá Putin at stilla uppaftur, tí hann hevur longur sitið fýra valskeið, sum grundlógin loyvir.