Putin hækkar stuðulin til barnafamiljur

17.01.2020 - 09:18
AktueltÚtheimurin
Putin hækkar stuðulin til barnafamiljur
Í miðal áttu russiskar kvinnur 1,5 børn í fjør, men í 2024 skal miðatalið verða 1,7 børn
 

Russiski forsetin, Vladimir Putin, hevur boðað frá, at hann fer at geva foreldrum ískoyti, sum fáa fleiri børn.

Tað boðaði hann frá, tá hann helt røðu í tjóðartinginum.

Í fjør áttu russiskar kvinnur í miðal 1,5 børn, men títtleikin skal økjast upp í 1,7 børn í 2024, sigur russiski forsetin.

Fyri at fáa fólk at fáa fleiri børn, lovaði forsetin at geva teimum eitt ískoyti.

50.000 kr.

Ískoytið verður 50.000 kr, tað verður í dag givið foreldrum sum fáa sítt næsta barn.

- Tað er neyðugt at stuðla tey ungu, sum seta búgv, tí tey vilja uttan iva eisini at fáa børn, segði Putin.

Russiski forsetin ætlar eisini at hækkka stuðulin til fátækar familjur.

Tey fáa stuðul, til barnið fyllir trý ár. Tað skal í framtíðini vera, til barnið er fylt sjey ár.

Grundlóg

Í røðuni róði Vladimir Putin eisini fram undir ætlanina um at hava eina fólkaatkvøðu at broyta grundlógina, so tjóðartingið fær størri vald.

Han kom kortini ikki nærri inn á tann spurningin.

Men hann legði dent á, at forsetin framvegis skal hava eina sterka støðu í russiska samfelagnum, skrivar Ritzau.
 

Er kopiera
Nýggjastu sendingar í ÚV
Mánadag 17. januar
Við Tórði á túri um staðarnøvn
134177
Mánadag 17. januar
Nón - 17. januar 2021
134169
Mánadag 17. januar
Norðurljóð 17.januar 2022
133666
Mánadag 17. januar
Nogvir spennandi venjarar í Betri-deildini
134160
Mánadag 17. januar
Greidleiki er lítið brúkt
134135
Nýggjastu sendingar í SV
Mánadag 17. januar
3-2
134193
Sunnudag 16. januar
Hondbóltur: Føroyar - Lettland
134104
Sunnudag 16. januar
10-mannaførini 2021
134102
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088