Framburðsflokkurin farin úr norsku stjórnini

Framburðsflokkurin hevur tikið seg úr norsku stjórnini.

Orsøkin er, at ein 29 ára gomul norsk-pakistansk kvinna, sum hevur verið í Sýria, slapp heimaftur við tveimum smáum børnum.

Kvinnan hevur havtsamband við Islamskan stat. Maðurin stríddist fyri IS, og hon er sjálv skuldsett fyri yvirgang.

Stjórnin gav henni loyvi at koma aftur til Noregs.

Bikarið rann yvir

Siv Jensen, politiskur leiðari í Framburðsflokkinum, sigur, at flokkurin hevði einki ímóti at loyva børnunum at sleppa aftur til Noregs, men Framburðsflokkurin ger ikki neyðsemjur við fólk, sum hava havt samband við yvirgangsfelagsskapir.

Tað fekk bikarið at renna yvir, sigur Siv Jensen. 

Framburðsflokkurin hevur verið stjórnarflokkar í tilsamans seks ár. 

Siv Jensen sigur, at hóast Framburðsflokkurin tekur seg úr stjórnini, vísir hann framvegis á Ernu Solberg sum forsætisráðharra.