Útfluttu fyri tíggju milliardir í fjør

Føroyar hava útflutt fyri minst tíggju milliardir krónur í fjør.

Til 1.desember var utflutt fyri 9,4 mia. kr., upplýsir Hagstovan.

Hetta er hálvonnur milliard meira enn í 2018, frá januar til desember.

Toskaútflutningurin er 270 mió. kr. størri, makrelurin gav 300 mió. kr. meira í fjør og sildin tað sama.

Laksur nummar eitt

Laksurin er framvegis nummar eitt í útflutningstølunum. Har er vøksturin yvir 700 milliónir krónur.

Sjey prosent meira fiskur varð útfluttur í fjør.

Innflutningurin vaks eisini í fjør, men ikki so nógv sum útflutningurin.

Frá 1.januar til 1.desember í fjør varð innflutt fyri átta milliardir krónur. Vøksturin er 333 mió. kr, fýra prosent.