Kanningar: Útlendingar skulu ikki keypa hús her

23.01.2020 - 15:29
AktueltPengar
Kanningar: Útlendingar skulu ikki keypa hús her
Tvær nýggjar spurnakanningar, sum Kringvarpið hevur gjørt, vísa greitt, at tað ikki skal vera loyvt útlendingum, at keypa hús í Føroyum
Skal tað vera loyvt útlendingum, at keypa hús í Føroyum? Nei, heldur meginparturin av teimum spurdu í tveimum nýggjum spurnakanningum
 

Skal tað vera loyvt útlendingum, at keypa hús í Føroyum?

Spurningurin hevur elvt til kjak teir seinastu dagarnar eftir at stjórin í Betri Heimi, Kára á Dunga, fyrr í vikuni rópti varskó, og heitti á politiska myndugleikan um at viðgera málið.

Og spyrt tú føroyingar, er tað stutta svarið: Nei.

Tað skal ikki vera loyvt útlendingum at keypa hús í Føroyum. Tað er greiða niðurstøðan í tveimum ymiskum spurnakanningum, sum eru gjørdar í dag. spyr.fo gjørdi ta einu, Kringvarpið gjørdi hina.

Sama, greiða niðurstøða í báðum spurnakanningum

Í kanningini hjá spyr.fo svaraðu 61 prosent, at tað ikki skal vera loyvt útlendingum framhaldandi at keypa privata ogn í Føroyum. 21 prosent svaraðu, at útlendingar skulu kunna keypa hús í Føroyum, 18 prosent svaraðu "Veit ikki."

Í løtuni siga 75,9 prosent í kanningini hjá Kringvarpinum, at tað ikki skal vera loyvt útlendingum at keypa hús í Føroyum. 24,1 prosent siga, at útlendingar skulu kunna keypa hús í Føroyum.

Spurningurin, um útlendingar framhaldandi skulu kunna keypa privatognir í Føroyum, er eisini eitt av evnunum í Breddanum klokkan 17:05.

 
Nýggjastu sendingar í ÚV
Hósdag 27. februar
Nón 27. februar 2020
105374
Hósdag 27. februar
Mono: Beach Boys (4:5)
105370
Hósdag 27. februar
LEITISSTEIN 24.02.2020 (1t)
105366
Hósdag 27. februar
Dagsins yrking - Millum aldurnar
104578
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169