Vilja ikki fíggja KT í apoteksverkinum

30.01.2020 - 08:44
AktueltSamfelag
Vilja ikki fíggja KT í apoteksverkinum
Havbúnaðarfelagið mótmælir. at apoteksverkið ætlar at minka avslátturin til alingina niður í tíggju prosent
 

Alivinnan skal ikki fíggja eina nýggja KT-skipan hjá apoteksverkinum.

Tað er ikki ein saklig grundgeving.

Tað sigur Havbúnaðarfelagið, nú ætlanin er at minka avslátturin á heilivági til alingina úr 14 prosentum niður í tíggju prosent.

Havbúnaðarfelagið sigur seg skilja á tí tilfari, sum Havbúnaðarfelagið hevur fingið frá Heilsumálaráðnum, at orsøkin er, at apoteksverkið vil keypa eina nýggja KT-skipan fyri 10 mió. kr. 

Orsøkin til, at avslátturin bara minkar hjá havbúnaðinum og ikki hjá til dømis landbúnaðinum er sambært Heilsumálaráðnum, at fíggjarligt rásarúm er hjá havbúnaðinum til at fáa minni avsláttur á heilivági.

Alment monopol

Havbúnaðafelagið hevur fyrr víst á, at apoteksverkið er ein almenn monopolfyritøka.

Tá hevur Heilsumálaráðið skyldu at tryggja sær, at prísurin er eins lágur sum hann vildi verið, um kapping var, sigur Havbúnaðarfelagið.

Havbúnaðarfelagið mælir til í fyrsta lagi, at Heilsumálaráðið endurskoðar uppskotið um kunngerð, so avslátturin verður tann sami hjá landbúnaði, havbúnaði og heilsuverki.

Í øðrum lagi mælir felagið til at liberalisera apoteksverkið, so kapping verður um viðskiftafólkini.


 

 
Nýggjastu sendingar í ÚV
Mikudag 8. apríl
Stór óvissa eftir tíðindafundirnar
107530
Mikudag 8. apríl
Áðrenn Elvis 080420
107528
Mikudag 8. apríl
Góðan morgun Føroyar, 6. apríl 2020
107525
Mikudag 8. apríl
Góðan morgun Føroyar, 7. apríl 2020
107522
Mikudag 8. apríl
Góðan morgun Føroyar, 8. apríl 2020
107523
Nýggjastu sendingar í SV
Týsdag 7. apríl
Úr savninum: Kanska um hundrað ár 3:4
107487
Týsdag 7. apríl
Úr savninum: Slóðarar 1:7
107421
Týsdag 7. apríl
Drúgt sjónvarp
107332
Mánadag 6. apríl
Úr savninum: Kennir tú land títt? (2:3)
107297