Kinesiska kvinnan var ikki smittað

Kinesiska kvinnan, sum er kannað fyri coronavirus, er ikki smittað, upplýsir danska heilsustýrið fyri danska kringvarpinum.

Kvinnan var ferðafólk við einum flogfari úr Kina, sum setti seg í floghavnini í Kastrup tíðliga í morgun. Hon boðaði frá, at hon hevði sjúkueyðkenni, sum mintu um beinkrím.

Síðani varð kvinnan flutt á sjúkrahúsið í Hvidovre, har hon varð løgd í eina sjúkrastovu, har sjúklingar verða avbyrgdir.

Avbyrgdu floghavnina

Partar av farstøðini í floghavnini í Kastrup vórðu avbyrgdir, meðan vaskað varð upp og niður. Ein annað fólk er eisini innlagt á sjúkrahúsið í Hvidovre, tí illgruni er um coronavirus. 

Danska Heilsustýrið væntar at frætta nærri frá Serumstovninum um hetta fólkið seinni í dag.

KInesiska kvinnan, sum ikki er smittað, og fólkið, sum framvegis verður kannað, hava einki við hvør annan at gera, og hava heldur ikki verið í sama flogfari, skrivar DR.