Størsti vøksturin í fólkatalinum var í Havn

822 fólk løgdust afturat fólkatalinum í Føroyum í fjør.

Fólkatalið var 52.124 tann 1.januar í ár.

Men fólkavøksturin er ikki tann sami allastaðni. Hann er størstur í miðøkinum.

Mest í Havn og í Eysturoynni

Í tali var størsti vøksturin í Tórshavnarøkinum, 350 fólk, og í Eysturoynni, 283 fólk. 

Í Vágum komu 78 fólk afturat og í Norðoyggjum 72.

Í Streymoynni vaks fólkatalið 33, tá høvuðsstaðurin ikki er taldur við, og í Suðuroynni komu sjey fólk afturat í 2019.

Minkaði í Sandoyar sýslu

Í Sandoyar sýslu minkaði fólkatalið, men ikki nógv. 

Har var eitt fólk færri 1.januar í ár enn 1.januar í fjør.

Lutfalsliga var størsti vøksturin í fjør í Eysturoynni, 2,5 prosent, og í Vágum, 2,4 prosent.