14 nýggjar fiskivinnuroyndir í ár

Fiskimálaráðið hevur latið pengar til 14 nýggjar fiskivinnuroyndir í ár.

Harumframt er framhaldandi játtan latin seks verkætlanum. Tvær teirra byrjaðu í 2018 og fýra byrjaðu í fjør.

Tær 20 royndirnar fáa átta milliónir og 550.000 kr. í ár, í 2021 og 2022.

Í ár fáa tær seks milliónir og 310.000 kr.

Fingu 34 umsóknir

Fiskimálaráðið fekk 34 umsóknir um pengar til fiskivinnuroyndir í ár. Søkt varð um 13,3 mió. kr. í ár. 

Men játtanin er bara 6,5 mió. kr.

Játtanin til fiskivinnuroyndir er minkað úr 8,6 milliónum, sum hon var í 2017.