Klaksvíkar sjúkrahús verður tikið av

Klaksvíkar sjúkrahús verður tikið av
Jógvan Skorheim, borgarstjóri í Klaksvík, sigur, at løgtingið hevur samtykt, at sjúkrahúsini skulu hava egna játtan og hvør sín stjóra
Jógvan Skorheim, borgarstjóri í Klaksvík
 
18.02.2020 - 14:13

Borgarstjórin í Klaksvík heitir í opnum brævi á løgtingslimir úr Norðoyggjum um at standa saman um Klaksvíkar Sjúkrahús.

Jógvan Skorheim vísir á, at løgtingið hevur "sligið fast við sjey tumma seymi", sum hann orðar seg, at Klaksvíkar og Suðuroyar sjúkrahús skulu hava sína egnu játtan og hvør sín stjóra - sum hevur stjóraábyrgd.

- At taka fíggjaramboðið frá stjóranum, er tað sama sum at avtaka Klaksvíkar Sjúkrahús. Ein heimild, sum evsta vald í landinum, Føroya Løgting, hevur samtykt at verja, og nú landsstýrismaðurin svíkur sínar politisku skyldur, flytur ábyrgdin av hesum álvarsmáli uppaftur til okkara umboð á Føroya Løgtingi, skrivar Jógvan Skorheim.

- Sum borgarstjóri í Klaksvíkar kommunu átali eg harðliga hesa framferð, sum - umframt politiska leikin - eisini er eitt grundleggjandi álop á Klaksvíkar Sjúkrahúsi. Hetta mugu tit, norðoya løgtingslimir, ikki lata henda, sigur Jógvan Skorheim.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585