Landsbankin: Útlánsvøksturin er minkaður

Føroyingar læna færri pengar nú.

Landsbankin sigur, at útlánsvøksturin minkaði í 2019.

Útlánsvøksturin hjá føroyskum peningastovnum var seks prosent við ársenda 2018. Hann er vaksin hvørt ár síðani 2014.

Men hann var null prosent 31.desember í fjør. Útlánini vóru 15,6 milliardir krónur 31.desember í fjør. Húsarhaldini áttu 8,8 milliardir.

Undir felagsheitinum húsarhald eru løntakarar, pensjónistar, sjálvstøðugt vinnurekandi, non-profit felagsskapir so sum fótbóltsfeløg og fimleikafeløg.

Realkredittstovnar læna nógv

Hóast vøkstur ikki er í útlánunum hjá føroysku peningastovnunum til húsarhaldini í Føroyum, læna danskir realkredittstovnar nógv til Føroya.

Vøksturin í útlánum frá donskum realkredittstovnum til føroysk húsarhald var beint undir 15 prosentum við ársenda 2019.

Landsbankin heldur, at lága rentan er orsøkin til tað. 

Húsarhaldini skylda donskum realkredittstovnum 2,9 mia. kr.