Ung í arbeiði varandi skipan í Klaksvík

Ung í arbeiði í Klaksvíkar kommunu er nú ikki ein roynd longur, men varandi skipan.

Seinastu tvey árini hevur Klaksvíkar kommuna royndarkoyrt eina skipan, har endamálið var at geva ungum møguleika at arbeiða á kommunalum og privatum arbeiðsplássum alt árið. 

Fyrr var skipanin Ung í arbeiði, at tey ungu kundu arbeiða hjá kommununi í tvær vikur í summarfrítíðini.

Durita Samuelsen, sum hevur gjørt skipanina, er nú sett í starv at samskipa Ung í arbeiði.

Trivnaðardeildin hjá Klaksvíkar kommunu varðar av verkætlanini.