Dømdir í størsta rúsevnismáli í Íslandi

Í Íslandi eru tríggir menn dømdir í størsta rúsevnismáli í søgu Íslands. 

Teir fingu úr seks upp í sjey ára fongsulsrevsing. 

Menninir eru dømdir fyri at hava smuglað 16 kilo av kokaini til Íslands úr Týsklandi í mai í fjør. 

Ein av monnunum varð dømdur fyri at hava skipað fyri smuglingini, og hinir báðir fyri at hava smuglað.

50.000 kr. fyri kilo

Teir báðir menninir greiddu í rættinum í gjár frá, at teir hildu seg bara skula smugla 3-4 kilo av rúsevnum í part, og at teir fingu 50.000 krónur í part fyri hvørt kilo, sum teir smuglaðu.

Annar teirra varð steðgaður á flogvøllinum í Keflavík við átta kilo av kokaini í taskuni.

Og løgreglan í Frankfurt fann taskuna hjá hinum mannin. Hon stóð eftir í floghavnini.

Triði maðurin, sum samskipaði smuglingina, noktaði seg sekan. 

Hetta er størsta nøgd av kokaini, sum íslendska løgreglan hevur lagt hald á í einum, skrivar íslendska kringvarpið.