Oljutangaskip sigldi á aliringar í Vági

Oljutangaskip sigldi á aliringar í Vági
Bakkafrost fer at reisa stórt endurgjaldskrav, hóast eingin fiskur var í ringunum
Oljutangaskipið Bothnia sigldi á aliringar á Vágsfirði í morgun
 
03.03.2020 - 13:24

Á veg inn á Vágsfjørð um sjey tíðina í morgun, sigldi oljutangaskipið Bothnia beint inn í aliøkið hjá Bakkafrosti. 

Eingin fiskur var í aliringunum.

Bothnia, sum siglir undir gibraltiskum flaggi, kom úr Hamburg og skuldi inn á Vág. Sambært MarineTraffic, sigldi skipið við 10,5 míla ferð, tá tað sigldi á aliringarnar.

Løgreglan kannar málið, og hevur staðfest, at skiparin  var ikki ávirkaður av rúsdrekka.

Loðsur var ikki umborð á Bothniu, tá óhappið hendi. Sambært lógini um loðsskyldu, skulu olju-, gass- og kemikaliuskip hava loðs umborð, tá tey sigla inn í føroyska havn. 

Nú verða avhoyringar gjørdar í málinum. 

Ringarnir væl merktir

Stjórin í Bakkafrosti, Regin Jacobsen, sigur, at aliringarnir eru væl merktur á sjókortinum, og hava  bæði radarrefleks og blunkljós. 

Bakkafrost hevur ikki yvirlit yvir skaðan enn, men fyritøkan fer at reisa endurgjald móti reiðarínum. 

Kravið verður fleiri milliónir, tí eingin laksur var í ringunum. Um fiskur hevði verið í ringunum, hevði talan verið um nógvar tíggjutals milliónir í endurgjaldskravi, sigur Regin Jacobsen.

Enn er ógreitt, um sjófrágreiðing verður í málinum.

 

Er kopiera
Nýggjastu sendingar í ÚV
Mánadag 24. juni
Biltúrurin 2: Koyrt verður í Sumba
176599
Mánadag 24. juni
Áki flúktaði KÍ úr FM stríðnum
177176
Mánadag 24. juni
Søgan um Hank Williams (2:8)
176855
Mánadag 24. juni
EM-tíðindi: 24. juni
177168
Mánadag 24. juni
Morgunlestur mánadagur 24. juni 2024
177126
Nýggjastu sendingar í SV
Leygardag 22. juni
Video: 5mf kvinnur, Jóansøka 2024
177125
Leygardag 22. juni
Video: 10mf, Jóansøka 2024
177123
Leygardag 22. juni
Video: 6mf_menn, Jóansøka 2024
177120