Línuskipini landa í hesi vikuni

Fiskamarknaðurin væntar, at flestu línuskipini koma inn at avreiða síðst í hesari vikuni.

Línuskipini fiska longu, tosk, hýsu og brosmu. 

Frystilínuskipini eru øll úti, fimm fiska við Ísland og tvey við Føroyar. Streymurin er góður, men tað er veðrið ikki. 

Lítil útróður hevur verið fyrst í vikuni, men helst verður nakar útróður seinni í vikuni, skrivar Fiskamarknaðurin.

Ein djúpvatnstrolari fiskar tosk og hýsu, ein kongafisk og ein fiskar stinglaks. Allir avreiða nú í vikuni.

Fiskaríið hjá partrolarunum er brúkiligt, sigur Fiskamarknaðurin. Eisini teir avreiða í vikuni.

Trolbátarnir hava ligið inni og bíðað eftir betri veðri. Trý garnaskip fiska svartkalva. Fiskiskapurin hjá teimum er heldur frægari nú. Tey avreiða síðst í vikuni.