Reisa húsini aftur í upprunaligum líki

Reisa húsini aftur í upprunaligum líki
Tvær íbúðir og handilshøli verða í húsunum við Áarvegin, sum verða bygd uppaftur í summar
Í sambandi við, at húsini verða tikin niður, verður Áarvegurin stongdur í morgin ári
Mynd: Bjarni Árting Rubeksen  
 
10.03.2020 - 14:00

Húsini hjá Per Højgaard, sála, á Áarvegnum í Havn, verða nú tikin niður, men ætlanin er at byggja tey uppaftur, so tey líkjast upprunaliga húsunum, tó í einari hædd aftrat, skrivar vp.fo

Sí myndirnar niðan fyri her

Partafelagið Katrina Christiansen hevur keypt húsini, og bara tann parturin av grundini, sum vendir móti Áarvegnum, verður standandi eftir.

Tummas Justinussen, stjóri í felagnum, sigur við Kringvarpið, at húsini, sum verða sett á grundina, verða gjørd úr elementum, og tey verða eftir ætlan sett upp tíðliga í summar.

Tvær íbúðir

Síðani verða húsini innrættað. Í erva vera tvær íbúðir, sum vera 60 fermetrar hvør, og í neðra vera handilshøli.

Eftir ætlan verður alt arbeiðið liðugt til jólar, sigur Tummas Justinussen.

Í sambandi við, at húsini verða tikin niður, verður Áarvegurin stongdur fyri allari ferðslu í morgin, frá klokkan sjey á morgni til á midnátt í annaðkvøld, frá Vaglinum og oman til Havnargøtu.

Myndir: Bjarni Árting Rubeksen

 

Er kopiera
Nýggjastu sendingar í ÚV
Nýggjastu sendingar í SV
Sunnudag 2. mars
Guðstænasta úr Hoyvíkar kirkju
188513
Fríggjadag 28. februar
Veðrið
188455
Fríggjadag 28. februar
Dagur og vika - teknmálstulkað
188428
Fríggjadag 28. februar
Heim, kæra heim (3:3) - teknmálstulkað
188417
Hósdag 27. februar
Hvíta gullið
188389