Vága floghavn: Corona ávirkar ikki ferðafólkatalið

Alt rokið um corona nervar eftir øllum at døma ikki flogferðsluna, tí ferðafólkatalið veksur støðugt, hóast vøksturin er hóvligari nú.

Tað sigur Vága floghavn í tíðindaskrivi í dag.

Vøksturin teir báðar fyrstu mánaðirnar í ár er umleið 10 prosent, samanborið við teir báðar fyrstu mánaðirnar í fjør.

Regin I. Jakobsen, stjóri í Vága floghavn, er tó varin við at vera ov bjarskygdur,  tí hann væntar eisini, at coronasmittan fer at hava ávirkan á ferðafólkatalið.

Enn hevur coronasmittan ikki ávirkað Vága Floghavn, men Regin I. Jakobsen sigur,  at tey vita um tiltøk, eitt nú tónleikaframførslur, ítróttartiltøk og handilsstevnur uttanlands, sum í løtuni verða avlýst.