Løgreglan vil forða útlendingum til Føroya

Eitt fyribils innferðareftirlit við ferðandi til Føroya er sett í verk.

Tað boðar løgreglan frá í morgun.

Innferðareftirlitið av ferðandi, ið koma til Føroya, er sett í verk fyri at steðga møguligum útlendingum, sum ikki hava lógliga heimild at ferðast inn í danska Kongaríkið.

Hetta verður gjørt fyri at steðga Covid-19 í at spjaða seg. Øll ferðandi kunnu vænta at verða biðin at vísa samleikaprógv, stendur í skrivinum frá løgregluni.

Forboðið er ikki fevnt av íbúgvum í danska Kongaríkinum. Tað vil siga, at danir og grønlendingar kunnu sleppa til Føroya.