Koyrandi í Sandoyartunlinum í desember 2023

Arbeiðið við Sandoyartunlinum gongur eftir ætlan, og nú er hálvur fjórði kilometur boraður.

Tunnilsfelagið væntar, at sprongt verður ígjøgnum seinast í 2021, og tunnilin letur upp fyri ferðslu í desember 2023.

Tað upplýsir Jørgen Niclasen, landsstýrismaður, í svari til Aksel V. Johannesen, løgtingsmann, sum spurdi um siglingina um Skopunarfjørð.

Jørgen Niclasen sigur, at ferðaætlanin fyri Hasfjord er ikki løgd enn, men landsstýrismaðurin ætlar, at Teistin framvegis skal sigla kvøldtúrararnar.

Farmaferjan Hasfjord verður sett í sigling í næstum, og Strandferðslan arbeiðir við ymiskum uppskotum um, hvussu skipið kann verða partur av ferðaætlanini á leiðini.

Samskift verður við vinnufyritøkur um farmaflutningin. 

Jørgen Niclasen sigur, at rakstrarjáttanin hjá Strandferðsluni er fyri alt virksemi hjá stovninum, og er ikki markað til ávísar farleiðir, t.d. millum Gomlurætt, Sandoynna og Hest. Tað er samlaða játtanin, sum skal halda, sigur hann.