125 ferðafólk við Smyrli og fýra við Spógvanum

Strandferðslan tillagar nú ferðafólkatalið við strandfaraskipunum.

Hetta verður gjørt, eftir at myndugleikarnir hava tikið undir við tilmælinum frá farsóttarnevndini.

Umborð á Smyrli kunnu í mesta lagi verða 100 ferðafólk í salongunum, og 25 ferðandi hava møguleika at verða í bilinum undir sigling.

Teistin tekur 80 ferðafólk, Ternan 50, Sam kann hava 20 í salongini, og 25 ferðandi hava møguleika at verða í bilinum undir sigling.

Ritan tekur 35 ferðafólk, Sildberin 10 og Spógvin fýra ferðafólk.

Strandferðslan mælir fólki til at ferðast sum minst við almennu samferðsluni, og bara, um tað er alneyðugt.