Fyrsti koronusjúklingur vorðin frískur

Fyrsti føroyingur, ið fekk staðfest koronuvirus, er nú staðfestur frískur aftur. Kaj Skipanes fekk sjúkueyðkenni 29. februar, eftir at hann varð komin aftur til Føroya úr París 24. februar. 

Hini trý í húskinum vórðu eisini kannað, og øll úrslitini vóru negativ. Hann og familjan hava verið avbyrgd heima við hús, og tey eru nú loyst úr sóttarhaldinum.

Onkur teirra hevur verið heima við hús, meðan onnur hava verið á Hotel Vágum. Eingin teirra hevur sjúkueyðkenni.

Landslæknin fór eisini beinanvegin at kanna nærri allar teir persónar, sum hann hevði verið í sambandi við. 18 fólk vóru sett í sóttarhald, og tey eru somuleiðis loyst úr sóttarhaldinum.