Játtanarkarmarnir bíða til í heyst

Einki uppskot um játtananarkarmar kemur fyri 1.apríl, sum annars er ásett í lógini um landsins játtanarskipan.

Tí júst tann ásetingin er sett úr gildi í ár. Tað hevur løgtingið samtykt.

Orsøkin er korona-smittan. 

Grundarlag er ikki fyri at leggja fyri løgtingið játtanarkarmar, sum eru veruleikakendir, sigur Jørgen Niclasen, landsstýrismaður, sum annars skuldi leggja fram uppskotið um játtanarkarmar fyri 1.april.

Játtanarkarmarnir eru fyri árini 2021-2025.

Jørgen Niclasen hevur sagt, at uppskotið um játtanarkarmar kemur saman við uppskotinum um fíggjarlóg fyri 2021.

Tað uppskotið skal leggjast fram í seinasta lagi 30.september.